Перейти к содержимому


Фотография

Allaha Vəsilə AramaqVəsilə sufi şeyxləridirmi?


  • Mövzuya cavab vermək üçün, avtorizasiyadan keçməlisiniz.
Mövzuda Bir İsmarıc Var

#1 Bədil

Bədil
  • İstifadəçi
  • 22 ismarıc
  • Məzhəb:Hənəfi

Yerləşdirilmə tarixi: 15 iyun 2013 - 01:47

Əssələmu Aleykum. Allah sizi müvəffəq etsin. Zamanımızda Azərbaycan müsəlmanları cürbəcür ölkələrdən gələn ünsürlərin təsiriylə müxtəlif şəkildə formalaşırlar. Bu ünsürlərdən biridə özünü Sufiliyə nisbət edən məşhur Cübbəli Əhməddir.

Daha dəqiq desək onun və yandaşlarının bir fikri haqqında soruşmaq istəyirəm. Onlar iddia edirlər ki, Maidə surəsindəki "vəsilə arayın" əmrində vəsilədən qəsd şeyxlərdir və Allah məhz onlara bağlanmağı Allaha ulaşmağa vəsilə qılıb.

Bu fikrə münasibətinizi bilmək istərdik. Öncədən təşəkkürlər.


  • Əbu Ömər Hənəfi bu ismarıcı bəyəndi

#2 Muslih

Muslih

    Mütəxəssis

  • Moderators
  • 886 ismarıc
  • Məzhəb:Hənəfi

Yerləşdirilmə tarixi: 15 iyun 2013 - 15:31

Və aleykumussəlam və rahmətullahi və bərəkətuh. Abu Davud qardaş bu məlumat gizli bir şey deyil. Onların saytları, kitabları, jurnalları bu cür safsatalarla doludur.

Sualın cavabına gəlincə... Öncəliklə adı çəkilən Cübbəli Əhmədi ciddi bir insan zənn edib dinləyənlərə çox təəccüb edirəm. Danışığının bir qismi küfr, bir qismi nağıl, bir qismi klounada olan bu təlxəyi dinləyən müsəlmanların varlığı üzücüdür.

Öncəliklə ayənin tam mətninə baxaq:

 

يَا أَيُّهَا الَّذِينَ آمَنُوا اتَّقُوا اللَّهَ وَابْتَغُوا إِلَيْهِ الْوَسِيلَةَ وَجَاهِدُوا فِي سَبِيلِهِ لَعَلَّكُمْ تُفْلِحُونَ

“Ey İman edənlər! Allahdan qorxun! Ona vəsilə/vasitə arayın. Onun yolunda cihad edin. Beləcə bəlkə nicat tapasınız.” (Əl Maidə: 5/35)

 

Ayədə uca Allah bizə özünə, yəni rızasına ulaşmağı əmr etmiş və bu ulaşmanın vəsilələr/vasitələr yoluyla olduğunu bildirmişdir. Davamında isə uca Allah bu vəsilələrdən birini, Allaha ən çox yaxınlaşdıran Cihad vəsiləsini örnək mahiyyətində zikr edib.

 

Allahın rızasına çatmaq müsəlmanın ən ülvi hədəfidir. Bu isə vəsilələrlə həyata keçir. Bu vəsilələrin nə olduğunu isə insanlar deyil məhz uca Allah müəyyən edir. Yəni ixtilaf vəsilənin vacibliyində deyil, nələrin qanuni vəsilə sayılıb, sayılmayacağındadır.

Allaha yaxınlaşdıran vəsilələr Onun əmrlərini yerinə yetirib, qadağalarından çəkinməkdən ibarətdir. Ayəni təfsir edən alimlər də bunu açıq şəkildə qeyd etmişlər. Məsələn: Namaz qılmaq, Oruc tutmaq, Həcc etmək, Zəkat vermək, Cihad etmək, Xilafəti təsis etmək, ehtiyac sahibi müsəlmanlara yardım etmək və buna bənzər minlərcə fərz və nafilələr Allaha yaxınlaşdıran vasitələrdir. Haramlardan çəkinməkdə Allaha yaxınlaşdıran vəsilələrdir.

 

İxtilaf məqamı olan şeyxlərə gəlincə, onlar məşru vəsilələrə daxildirlərmi? Bu sualın cavabı, qəsd edilən mənaya görə dəyişər:
 

Əgər qəsd edilən məna Allahın bizdən istədiklərini öyrətmə mövzusunda alimlərin bir mənada vəsilə olmasıdırsa, bu anlamda vəsilə “Bilmirsinizsə zikr əhlindən soruşun” ayəsiylə məşrudur.  Bu isə həqiqi fəqihlərə müraciətlə olur. Din mövzusunda cahil olan, zühd şüarı altında luks həyat yaşayan zəlilərlə yox.

Əgər qəsd edilən məna mürşidin irşadından istifadə etməklə onu vəsilə etməkdirsə, bu da məşru vəsilədir. Qəlb xəstəliklərini, şeytanın hiylələrini, bunların müalicə yollarını bilən bir mürşiddən daha faydalı nə ola bilər? Bu da elm əhlini vəsilə etmənin bir növüdür. Ancaq reallıqda belə mürşidlər varmı? Daha min il əvvəl İmam Ğazali, belə mürşidlərin qalmadığını ifadə etmişdir. İslamın mahiyyətini anlamaqdan xeyli uzaq, “əlləri üstə yeriyən”, insanların malını haqsızca yemək üçün mütəmadi hiylələr düşünən, liderlik və camaatın milyard dollarlıq büdcəsi uğruna müsəlman qardaşlarını Allahın evində öldürdən insanlardan ancaq Cəhənnəm mürşidləri olar.

Əgər qəsd edilən sıxıntıların dəfini şeyxlərin özündən “ey Abdul Qadir mənə uşaq ver” şəklində istəməkdirsə, bu əməl insanın qəlbini Allahdan ən çox uzaqlaşdıran şeylərdəndir və bu davranış nəinki məşru bir vəsilə deyil, İslam dinindən daha çox bütpərəstliyə uyğun bir davranışdır.

Bu, Allaha yaxınlaşmaq üçün vəsilə deyil, tam əksinə Allahdan uzaqlaşdıran vəsilədir.

Əgər qəsd edilən məna sıxıntıların dəf edilməsini birbaşa Allaha ərz etməyib, ölmüş şeyxlərdən Allahdan istəmələrini dilməkdirsə, dinimizdə bu vacib deyil, sadəcə şəfaət istəmə kimi bəzi məqamlarda xoş görülmüşdür. Bunu adət halına gətirməmək lazımdır.

Əgər qəsd edilən saleh şeyxlərdən dua istəməkdirsə bu da məşrudur.

Əgər qəsd edilən “Ya rəbb. Filan salih qulunun xətrinə bu işim düzəlsin” şəklində vəsilədirsə bu da məşrudur. Lakin həqiqi salahın nə olduğu və salihlərin kimliyi üzərində durulmalıdır.

Əgər qəsd edilən “rabitə” adını verdikləri feyz transferi mərasimidirsə, mən bu vəsilənin dini və ya ən azından din prinsiplərinə dayanan əqli bir əsasının olduğunu düşünmürəm. Bu səbəblədir ki, “Allaha yaxınlaşdıran” bu vəsilə haqqında heç bir ciddi dini kitabda məlumata rast gəlmək mümkün deyildir. Bəzi “sufi” camaatları səfehlikdə o qədər irəli gediblər ki, sufi qadınlara öz həyat yoldaşıyla cinsi əlaqə zamanı öz şeyxini düşünüb onunla rabitə qurması üçün fotoşəkil belə verirlər.  

 

Özünü ayədəki vəsilə elan etməyin motivlərinə gəlincə, bu mövzuda insanlar iki qismdir:

  1. Bunu haqlı olaraq edənlər. Bunlar, yuxarıda zikr etdiyimiz mənada alimlərdir.
  2. Bunu haqsız edənlər. Bu qisim isə insanların mallarını haqsız olaraq yemək məqsədilə onlara Allaha getmək yolunda özünə möhtac etmək istəyən saxta şeyxlərdir. Tövfiq Allahdandır.

  • EbuBerra və Əbu Ömər Hənəfi bu ismarıcı bəyəndilər

Hədis: "İnsanlar dəvələr kimidir. Yüz nəfərdən işə yarayan bir nəfər belə tapa bilməzsən" (Səhih Muslim)





Bu mövzunu oxuyan istifadəçi sayı: 1

0 İstifadəçi, 1 Qonaq, 0 Anonim