Və Aleykumussalam və rahmətullah!
Qısa cavab verəcək olsaq: Kafirlərdən alınan elmlər iki cürdür. Hesab, Həndəsə kimi onların etiqadlarıyla əlaqəsi olmayanlar və Biologiya kimi etiqada müxalif təməllərə sahib elmlər.
Həmçinin kafirlərdən elm alan kimsələri də iki qismə bölə bilərik. Onlardan təsirlənəcək və təsirlənməyəcək kimsələr.
Təsir altına düşməsi zənni qaliblə olan azyaşlı uşaqların, etiqada müxalif elementlərlə zəngin elmləri kafirlərdən öyrənməsi caiz deyildir.
Mücərrəd Əlifba, Hesab, Həndəsə kimi elmlərin öyrənilməsində bir problem görmürəm.
Təsir altında qalmayacaq insanların isə, hər iki qismdən elmləri öyrənməsi, yerinə görə onların batil iddialarını cavablandırmaq üçün istifadə etməsi caizdir. Zikr etdiyim ümumi bir qaydadır. Məktəblərdə bu cür seçməli təhsil şansımız yoxdur...
Dolayısıyla dərslər daxilindəki, İslama təməldə zidd elementlərin çoxluğu səbəbilə uşaqların məktəbə verilməsi caiz deyil. Heç kim uşağını bu mənfi təsirlərdən qoruya bilməz. Bu real deyil.
Uşaq sahiblərinin bu səbəblə təkfirinə gəlincə, bu məsələdən dolayı təkfir ediləcəklərini düşünmürəm. Belə dallı budaqlı məsələlərdə təkfirdən uzaq durulmalıdır!
Önəmli bir məqama daha toxunmaq istərdim. Uşaqların məktəbə verilməməsi, onların dünyəvi elmlərdən cahil buraxılmasına səbəb olmamalıdır. Onlara məktəbdəkindən daha keyfiyyətli, təkmilləşdirilmiş bir təhsil təqdim edilməlidir. Müsəlmanların üzərindəki çoxsaylı fərzlərdən biridə, bu sahədə yetərincə kadr yetişdirməkdir və yetişdirmədikləri müddətcə bu işdə tənbəllik edən hər fərd günahkardır.
Belə bir şey mümkündür. Hətta tərəfimdən fərqli bir sahədə təcrübədən keçirilmişdir. Mən dini təhsilimi, dövlət və qeyri dövlət təhsil müəssəsələrindən uzaqda, tamamən müstəqil şəkildə almışam və çatdığım səviyyənin məhz həmin müəssəsələrdə oxuyan tələbələrin bir çoxu üçün rəğbət ediləcək bir səviyyə olduğunu düşünürəm. Eləcədə tanışlarım içərisində dünyəvi təhsili tamamən müstəqil əldə edib, uğur qazanan övlad sahibləri vardır. Hazırda internet, uzaqdan təhsil kimi yeni ortaya çıxmış yolların varlığı bu işi dahada asanlaşdırır. Tövfiq Allahdandır.
