Перейти к содержимому


Фотография

İbn Hibbanın Qəbirlə TəvəssülüDoğrudurmu


  • Mövzuya cavab vermək üçün, avtorizasiyadan keçməlisiniz.
Mövzuda Bir İsmarıc Var

#1 Bədil

Bədil
  • İstifadəçi
  • 22 ismarıc
  • Məzhəb:Hənəfi

Yerləşdirilmə tarixi: 06 avqust 2013 - 19:18

Əssələmu Aleykum. Allah sizi müvəffəq etsin. İnternetdə dini saytlara baxarkən Şiə saytlarında qarşıma belə bir məlumat çıxmışdıkı məşhur muhəddis İbn Hibban, İmam Rzanın qəbriylə təvəssül edib. Daha sonra bəzi sələfilərin bunu "rafizi uydurması" adladırdığını gördüm. Həqiqətən belə bir şey olubmu?


  • Zeyd və Əbu Ömər Hənəfi bu ismarıcı bəyəndilər

#2 Muslih

Muslih

    Mütəxəssis

  • Moderators
  • 882 ismarıc
  • Məzhəb:Hənəfi

Yerləşdirilmə tarixi: 06 avqust 2013 - 21:27

Və aleykumussəlam. Ümmət içində hər zaman havadan danışan boşboğazlar olmuşdur və olacaq. Buna mən “Rəşad Hümbətov” sindromu deyirəm. Lakin, məsələ bunların varlığı deyil, bunların əsassız sözünü ciddiyə alan tərəzisiz toplumdur. Kimliyindən asılı olmayaraq hər kəs öz dediyi sözü əsaslandırmalıdır. Əsassız sözü qəbul edən, qarşıdakına özünü aldatma səbəbi vermiş və könüllü olaraq zəlalət yolunu seçmişdir.

Əhli Beyt imamlarının – ridvanullahi aleyhim - qəbri yanında dua etmək formasında bir təvəssül İbn Hibban, Əbu Əli Ən Neysəburi, İbn Xuzeymə və başqa alimlərdən rəvayət edilmişdir. Bəziləri buna başqa ad qoya bilər. Ancaq adın dəyişməsi mahiyyəti dəyişdirməz. Bu cür əməllər “sələfilərin” zəlalət olduğunda icma etdikləri şeylərdir...

 

Əbu Hatim İbn Hibban Əl Busti (270-354 h/883-965 m) "Əs Siqat" adlı əsərində İmam Əli bin Musa Ər Rızanın – radiyallahu anh – tərcümeyi halında deyir:

 

قد زرْته مراراً كثيرةً وما حلَّت بي شدةٌ في وقتِ مقامي بطُوس فزُرْت قبرَ علي بن موسى الرضا صلوات الله على جدِّه وعليه ودعَوْت الله إزالتَها عنى إلا أُستجيب لي وزالتَ عنى تلك الشدة , وهذا شيءٌ جرَّبته مراراً فوجَدته كذلك . أماتنا اللهُ على محبة المصطفي وأهل بيته صلى الله عليه وسلم الله عليه وعليهم أجمعين

 

Mən onun qəbrini çox ziyarət etdim. Tus şəhərinə gedişimdə nə zaman bir sıxıntım oldusa, Əli bin Musa Ər Rızanın – Allahın salavatı onun babasının və özünün üzərinə olsun – qəbrinə gedib və orada Allahdan bu sıxıntımı dəf etməsini istədimsə, mənim duama cavab verildi və o sıxıntım dəf edildi. Bunu dəfələrlə təcrübədən keçirdim və həmişə eyni nəticəni gördüm.

Allah bizim canımızı Mustafa və onun əhli beytinin – sallallahu aleyhi və səlləmə Allahu aleyhi və aleyhim əcməin – sevgisi üzrə alsın.”
 

 

Qaynaq: İbn Hibban Əl Busti: Kitabus Siqat: 8/457

Qahirə: Darul Mucəlla: 1973

 

 

Sələfilərin “uydurma” ittihamlarına qarşılıq olaraq, bir hadisədə mən əlavə edim. İbn Həcər Əl Asqalani “Təhzibut Təhzib” adlı əsərində deyir:

 

وقال الحاكم سمِعتُ أبا علي النيسابوري يقول : كنتُ في غمِّ شديدٍ فرأيتُ النبيَّ صلى الله عليه وسلم في المنام كأنه يقول لي صِر إلى قبرِ يحيى بن يحيى واستغفِرْ وسلْ تقضَ حاجتُك , فأصبَحتُ ففعَلتُ ذلك فقُضِيتْ حاجتي

 

Hakim (Ən Neysəburi) deyir: Əbu Əli Ən Neysəburinin (v. 349 h) belə dediyini eşitdim: Ciddi bir sıxıntım vardı. Yuxuda Nəbini – sallallahu aleyhi və səlləm – gördüm və mənə dediki Yahya bin Yahyanın qəbrinə get və orada istiğfar et. (Allahdan) Dilə, ehtiyacın qarşılanacaq. Sabah qalxıb deyiləni elədim və ehtiyacım qarşılandı.”

 

Qaynaq: İbn Həcər: Təhzibut Təhzib: 11/299

Hindistan: 1326


  • Zeyd, Rəşad Xaçmazi, Bədil və 2 digərləri bunu bəyənir

Hədis: "İnsanlar dəvələr kimidir. Yüz nəfərdən işə yarayan bir nəfər belə tapa bilməzsən" (Səhih Muslim)





Bu mövzunu oxuyan istifadəçi sayı: 1

0 İstifadəçi, 1 Qonaq, 0 Anonim