Перейти к содержимому


Фотография

Vaqiə və İnsan Tanıma ƏskiyimizÖzünü tənqid


  • Mövzuya cavab vermək üçün, avtorizasiyadan keçməlisiniz.
Bu mövzudakı ismarıc sayı: 4

#1 Usuli

Usuli

    Forum Əhli

  • Moderators
  • 1.213 ismarıc
  • Məzhəb:Hənəfi

Yerləşdirilmə tarixi: 18 mart 2016 - 23:26

بسم الله الرحمن الرحيم

 

Daha öncə “Mürəkkəb Fətvalar” adlı məqaləmizdə Dini doğru şəkildə yaşamaq üçün, insan tanımanın və vaqiə/reallıq bilgisinə sahib olmanın vacibliyindən danışmışdıq. Bu xüsusa xüsusən Hocalar, liderlər tərəfindən diqqət göstərilməməsinin fəsadlarından bəhs etmişdik.

Bu mövzuda təcrübü olaraq, əsasən güncəl hadisələrdən yola çıxaraq, Ümmətin və xüsusi olaraq öndərlərin bu sahədəki əksikliklərinə örnəklər vermək istəyirik.

Bu mövzuyla mücərrəd olaraq hansısa toplum liderinin yetərisizliyini, yararsızlığını isbatlamaq, “vurmaq” məqsədi daşımırıq. Məqsədimiz problemin dərinliyinə diqqət çəkmək və İslam əhlini bu yöndən güclənməyə təşviqdir. Verəcəyimiz örnəklər Ümmət olaraq hamımızın problemidir və bu bir mənada özünü tənqiddir.

 

Ölkəmizdə yerli kadrların olmaması səbəbiylə, adətən Türk hocalardan istifadə edilir. Onların içində müəyyən sahələrə, Ərəb dilinə, Hədisə, Üsula əhil olan kimsələr və yaxşı vaizlər vardır. Lakin, çox təəssüflə qeyd etməliyik ki, hocaların bir çoxu vaiqə fiqhi və insan tanıma mövzusunda ciddi mənada yetərsizdir.

Bu əksikliyi tez tez vurğulayanlardan biri Talha Hakan Alp hocadır. O, məqalələrinin birində hocaların vaiqədən uzaq olması və asanlıqla aldadıla biləcəyi haqda deyir:

 

"Günümüzde de biliyorum, siyasilerle yakın ilişkisi olan hocalar var. Siyasiler de söz söylenmeyecek insanlar değiller. Ben öyle inanıyorum ki hocalar onları değil, onlar hocaları ikna ediyorlar. Çünkü bizim ulema çok iyimserdir, ayrıca aktüel konulara pek ilgili değildir. Diyelim ki sağdan soldan kendisine dert yanan insanların şikayeti üzerine kalkıp herhangi bir idareciyi ikaz etmeye gittiği zaman, konuyu etraflıca araştırmadığı için idareci hemen bir telefonla gerekli bilgiyi almıştır veya zaten o konuları biliyordur. Hemen oracıkta “hocam o işin şöyle bir arka planı var, şuydu buydu” dediği zaman hoca ikna olur ve konu kapanır. Dolayısıyla bu böyle olmaz. Ulemanın emr-i maruf görevini yerine getirmesinin modeli bu olamaz. Ulemanın da bir parçası olduğu sivil ve şeffaf bir denetim mekanizması olması lazım. Yöneticilerle sistemli ve düzenli buluşmaları ve yerine göre nasihat etmeleri yerine göre sorguya çekmeleri lazım. Diğer yandan İslami cemaatleri ve alim yetiştiren İslami eğitim kurumlarını finanse eden ekonomik kaynakların da sivil ve bağımsız olması lazım."

 

Talha Hocanın vurğuladığı bu yetərsizliyi özüm də təcrübədə dəfələrlə müşahidə etmişəm.

Məsələn Azərbaycandan gəlmiş və simasını ilk gördüyünüzdə ehtiyatla yanaşacağınız hansısa “kölgə əhli”, Hocaların yanında özünü asan bir şəkildə İslami hərəkat fədaisi olaraq tanıda və geri döndükdə görüşdüyü o hocanın kölgəsində uzun müddət kölgələnə bilir. Bu, Hənəfi hocalar üçün keçərli olduğu kimi, təkfir əhli və Sələfilər üçün də keçərlidir…

Bizim bu məqalə Türk Hocalara ünvanlanmayıb. Xitabımız o Hocalardan faydalanan kimsələrə olub, bu əksikliklərin fərqində olmaları və gərəyiylə əməl etmələridir. Tövfiq yalnız Allahdandır.
 


  • Abdul Hakim, Hənif və abdulmucib ibn araz bu ismarıcı bəyəndilər
Ən çətin yıxılan büt, insanın öz nəfsidir...

#2 Usuli

Usuli

    Forum Əhli

  • Moderators
  • 1.213 ismarıc
  • Məzhəb:Hənəfi

Yerləşdirilmə tarixi: 18 mart 2016 - 23:30

Azərbaycanda populyar olan Türk Hocalardan Vaqiə sahəsindəki qeyri real çıxışlarıyla gözə batanların ilki İhsan Şənocak Hocadır.

Fransa hadisələrində, Rus təyyarəsinin vurulması zamanı dediklərimizi təsdiqləyəcək bir çox sözlər sərf etmişdi. Hazırki Türk hökümətinin Osmanlı imperiyası üçün bir müqəddimə olacağı haqda səsləndirdiyi utopik fikirlər də bizim üçün misal təşkil edə bilər.

Bu gün isə təsadüfən rəsimiylə bərabər yayınlanan aşağıdakı sözlərinə rast gəldim:

 

“Ey Batılı Domuzlar! Bozuk para attığınız o Müslüman kadınlara güldükçe uyuttuğunuz Ümmet oyanacak. Daha çok gülün ki, uyanmamış Müslüman kalmasın.”

 

Yəqin ki, İhsan Hoca İspanyada baş verən hadisələrdən bəhs edir və görüntüləri izləyib. Görüntülərdə alçaldılanların müsəlman yox, Rumınya əsilli qaraçı olduqları bariz bir şəkildə görünür. Həmçinin digər qərinələr o qadınları müsəlman mültəci yox, mütəxəssis dilənçi olduqlarını təsdiq edir.

Avropa “mədəniyyətinin” həqiqi üzünü, qaraçıların alçaldılmasını bir kənara qoyaraq İhsan Hocanın bu mövzulardakı tələskənliyinə, vaqiənin səthi analizindən belə uzaq olub, şüarçılığa yönəlməsinə diqqət çəkmək istəyirəm.

Möhtərəm İhsan Hoca! Bəli Ümmət ayılmalıdır. Lakin Ümmətdən öncə onun liderliyini ələ almış Hocaların bəsit vaqiələri təhlil edə bilməsi, medyanın və siyasilərin əsdirdiyi küləklərlə sağa sola sovrulmaması, başqa sözlə “öz oyununu” oynaya bilməsi, ayılması lazımdır…


  • Abdul Hakim, Hənif və abdulmucib ibn araz bu ismarıcı bəyəndilər
Ən çətin yıxılan büt, insanın öz nəfsidir...

#3 Usuli

Usuli

    Forum Əhli

  • Moderators
  • 1.213 ismarıc
  • Məzhəb:Hənəfi

Yerləşdirilmə tarixi: 19 mart 2016 - 00:01

Toxunmaq istədiyim ikinci örnək Hindistan alimlərilə əlaqəlidir. Zamanımızda klassik İslami tədrisin ən çox qorunduğu bölgələrdən biri Hindistandır. Lakin, dəfələrlə vurğuladığımız üzrə o bölgə alimləri vaqiədən, xüsusilə ətraf bölgələrdəki hadisələrdən qafil qalmalarıyla seçiliblər.

Yaxınlarda İhsan Şənocak Hoca Hindistana səfər etmiş və oradakı alimlərlə görüşmüşdü. İslam Coğrafiyasında baş verənlərə marağımdan, Hocanın bu “izlənimlərini” başdan sona qədər izlədim.

Vaqiə nöqtəsində bir çox anormal örnəklərin zikr edildiyi söhbətdə, bir yer xüsusilə diqqətimi çəkdi. Üzərinə danışmaq istədiyim yeri bu linkdən izlədikdən sonra, yazını oxumağa davam edə bilərsiniz.

 

Osmanlı imperiyası 1922 ci ildə dağılmış, lakin Hindistandakı İslam alimləri bu xəbəri 1935 ci ildə və təsadüfən öyrənmişlər. On üç il sonra… Həm də kafirlərin qalib olduğu Cumhuriyyət Türkiyəsindən gələrək, onların dünyadan xəbərsizliyini və “orta çağda” yaşamasını ələ salan Halide Edib Adıvar isimli bir qadından…

Həm də söhbət illərlə savaşlarına dəstək olmaq üçün qadınlarının qızıllarını göndərdikləri, övladlarını yolladıqları bir dövlətin süqutundan gedir…

Həm də, Telefon və Teleqrafın kəşf edildiyi bir zamanda…

Və bu reportaj düşmənin iftirası yox, dostun etirafıdır… böyük öygülərlə dolu etirafı…

 

Dini elmlərdəki əhliyyətlərinə rağmən, Dünya haqqında bu dərəcə qəflətdə olan alimlərin İslam əhlinə yol göstərmələri, Siyasi proseslərdə onlara uyacaq mövqe seçmələri mümkün deyildir.

Hindistan alimlərinin bu sahədəki qəfləti daha sonra, Pakistanın quruluşunda da öz “səmərəsini” verdi və Dini bir dövlət yerinə Dünyəvi bir dövlətin qurulmasıyla nəticələndi. Alimlər isə əksər hallarda olduğu kimi, Siyasilər tərəfindən istifadə edilib atıldılar…
 


  • Hənif və abdulmucib ibn araz bu ismarıcı bəyəndilər
Ən çətin yıxılan büt, insanın öz nəfsidir...

#4 Usuli

Usuli

    Forum Əhli

  • Moderators
  • 1.213 ismarıc
  • Məzhəb:Hənəfi

Yerləşdirilmə tarixi: 22 mart 2016 - 17:54

Təqribən bir il öncə Dağıstanda belə bir hadisə baş vermişdi. “Bacı”lardan biri mətbuat orqanları vasitəsiylə polis bölməsində zorlandığı haqda məlumat yaymışdı. Dağıstan müsəlmanları ayağa qalxdı, ölkə bir birinə qarışdı... Emosional çıxışlar, təhdidlər və s...

Lakin hadisənin ardından, güc strukturlarına bağlı olan bəzi saytlar, “qurban” haqqında məlumatları ictimaiyətlə paylaşdı. Təqdim edilən fayllarda “bacı”ların zorlanmadığı, hətta ittiham etdikləri polislərlə çox səmimi münasibətdə olduqları ortaya çıxdı... Hər kəs qırğın bir şəkildə evinə döndü... Məsələylə qısa şəkildə bu linkdən tanış ola bilərsiniz.

 

Bu hadisədən çıxarılacaq ibrət vardır... Müsəlman hər gurultuya uymamalı, xüsusilə ciddi hadisələr zamanı yetərli araşdırma etmədən hərəkətə keçməməlidir... Əks halda lazımı məqamda kiçik bir şou sayəsində müsəlmanların istənilən provakasiyaya çəkilməsi mümkündür...

Bu ehtiyat qaydası xüsusilə liderlərə aiddir... Çünki, nə qədər tələb edilsə də sıradan insanlar ən bəsit araşdırmalar aparmaqdan, ən bariz fırıldaqları üzə çıxarmaqdan acizdirlər...
 


  • Hənif və Umm Maryam bu ismarıcı bəyəndilər
Ən çətin yıxılan büt, insanın öz nəfsidir...

#5 Muslih

Muslih

    Mütəxəssis

  • Moderators
  • 862 ismarıc
  • Məzhəb:Hənəfi

Yerləşdirilmə tarixi: 26 mart 2016 - 11:37

Əsrin mücəddidi olduğu iddia edilən və ölkəmizdə də bağlıları olan Mahmud Əfəndi ismiylə məşhur zat “İrşadul Muridin” adlı kitabında deyir:

 

“Rusiyada Özbəkistan, Qazaxıstan, Tacikistan və Türkmənistan kimi bir çox Türk dövləti var. Oralarda 27 min Məscid vardı. Lakin, müsəlmanlar məscidə getmirdilər.

Hökümət “Məscidə getmirsiniz. Bir neçə nəfər üçün imamlara boşuna maaş veririk” deyərək müsəlmanlara xəbərdarlıq etdi. Xəbərdarlığa rağmən yenə məscidlərə gedilmədi. Nəhayət məscidləri bağladılar.”

 

Qaynaq: Mahmud Ustaosmanoğlu: İrşadul Muridin: 286

İstanbul: Ahıska Yayınları

 

Çox təəssüf ki, Ümmətin başında durub, onu yönləndirməli olan liderlər və ya liderlik məqamına oturanlar ən primitiv vaqiə bilgilərindən xəbərsizdirlər.

Mahmud Əfəndinin dediyinin əksinə, İstər Sovet dönəmində istər, post Sovet dönəmində Müsəlmanlar dövlətdən heç bir qayğı görməyib. Əksinə, rəsmi programı Ateizm olan Sovetlərin dönəmində simvolik bir neçə məscid və KQB nin yetişdirdiyi məhdud sayda “imamlar” vardı. Dövlətin quruluşu isə, məhz Müsəlmanların qətliamları üzərinədir.

Post Sovet dönəmi isə, Müsəlmanlar üçün daha ağır oldu. Hal hazırda yer üzündə Müsəlmanların ən çox zülm gördüyü yerlərdən biri məhz Orta Asiya Respublikalarıdır. Müsəlmanlar məscidə getmədikləri üçün yox, saqqal buraxdıqları, hicab geyindikləri üçün içkəncələr görürlər…

Vaqiə/Reallıq Mahmud Əfəndinin zənn etdiyindən çox çox fərqlidir... 
 


Hədis: "İnsanlar dəvələr kimidir. Yüz nəfərdən işə yarayan bir nəfər belə tapa bilməzsən" (Səhih Muslim)





Bu mövzunu oxuyan istifadəçi sayı: 0

0 İstifadəçi, 0 Qonaq, 0 Anonim