Перейти к содержимому


Фотография

Quranilik Haqqında MülahizələrQurandan Quranla uzaqlaşdırma


  • Mövzuya cavab vermək üçün, avtorizasiyadan keçməlisiniz.
Bu mövzudakı ismarıc sayı: 2

#1 Usuli

Usuli

    Forum Əhli

  • Moderators
  • 1.265 ismarıc
  • Məzhəb:Hənəfi

Yerləşdirilmə tarixi: 22 iyun 2017 - 06:58

بسم الله الرحمن الرحيم

 

Xalqımızın milli mentaliteti, Dini cərəyanları qəbul və yanaşmalarına da ciddi təsir göstərir. Bu danılmazdır. Məcaraçılıq artıq milli xüsusiyyətimizdir...

Mentalitetimizin gərəyi olaraq ölkəmizdə sürətlə yayılan Dini qruplardan biri də “Quranilər” adlanan firqənin nümayəndələridir.

Bu mövzuda “Quranilik” haqqında müxtəlif mülahizələrimi, analizlərimi bölüşmək istəyirəm. Tövfiq, aləmlərin tək sahibi olan Allahdandır.


Ən çətin yıxılan büt, insanın öz nəfsidir...

#2 Usuli

Usuli

    Forum Əhli

  • Moderators
  • 1.265 ismarıc
  • Məzhəb:Hənəfi

Yerləşdirilmə tarixi: 22 iyun 2017 - 07:12

Qurandan Küsmüş Müsəlmanların Zilləti

 

Mövzu ərtafında toxunmaq istədiyim ilk nöqtə, Quraniliyin Müsəlmanlar arasında rəğbət görməsinin təməl səbəbləridir.

Elm və analiz nemətindən azacıq nəsibi olanlar, bu firqənin imamlarından bir çoxunun danışıqlarındakı safsata və səfehlik səviyyəsini görməkdə çətinlik çəkməz.

Bəs bu səfeh düşüncə sahibləri, bizlərə necə hakim olur? Cavabı çox sadədir: Çünki, bizlər reallıqda onlardan daha səfehik.

Bu səfehlik nədən ibarətdir? Səfehliyimiz Allahın Kitabıyla küsülü olmamızdır! Quranilərin Müsəlmanları Quranla əzməsinin ən təməl səbəbi, Müsəlmanların Qurandan uzaqlığı və xəbərsizliyidir!

İnsan bildiyi şeyin hakimidir və onunla digərlərinə hökm edər. Bu, Dini və Dünyəvi işlərdə keçərli olan ümumi bir prinsipdir!

Bizim uzaq düşdüyümüz Qurana yaxın olan və bu səbəblə Quran adına danışan onlardır. Başqa sözlə, sahibsiz qoyduğumuza, sahib çıxan onlardır!

 

Müsəlmanlar olaraq Quran oxuyuruqmu? Öz ətrafımızda bir statistik araşdırma aparaq və nəticələrinə baxaq...

Mən bu statistik araşdırmanı illərdir aparıram və gəldiyim nəticə budur: Müsəlmanların böyük əksəriyyəti illərlə (!) Quran oxumurlar. Hətta onların seçmələrindən ibarət 5-6 nəfərlik qrupla Ramazanda Quranı xətm etmək üzrə anlaşsanız, bunun onlar üçün necə ağır gəldiyinə şahid olacaqsınız! On beş illik bir müsəlmanın ömründə bir dəfə də olsa Qurani Kərim oxumaması isə, faciənin zirvəsidir! Bunlar əslən oxumayan təbəqədir.

İkinci təbəqə Quran oxuyanlardır. Aramızda belələri də var. Lakin, Quran oxuyanlarımızı da iki qrupa bölə bilərik:

1) Ərəb dili bilmədiyi halda Quranı bir savab qazanma aləti olaraq vərəqləyənlər.

2) Quranı anladığı dildə oxuyub, üzərində təfəkkür edənlər.

Yəqinki, Quran oxuyanlarımızın böyük əksəriyyətinin birinci qrupdan olduğunu və son qisim xaricindəki digər Müsəlmanların Quranilər qarşısındakı zəlilliyinin təbiiliyini kimsə danmaz...

 

Nəticə etibarıyla Qurani Kərimi onlarca dəfə oxumuş, incələmiş kimsənin Quranla küsülü olan Müsəlmanı Quran adıyla aldatması, Quran vasitəsilə onu əzməsi normaldır. Siz heç təhsilsiz birinin, Kimyaçıyla Kimya elmi haqqında mübahisə edib, qalib gəldiyini gördünüzmü?

Müsəlmanlar Allahın kitabına layiq olduğu hörməti göstərib, onu oxumadıqca, incələmədikcə, zamanın tələblərinə uyğun bir şəkildə açıqlamadıqca halımız bu şəkildə davam edəcək! Sadəcə Quranilərə qarşı yox!

“Kafir anaya anacan demək küfrdür” deyəcək qədər səfeh olan firqəyə, İbrahimin – aleyhissəlam – Qurani Kərimdə qeyd edildiyi üzrə atasına “atacan” dediyini xatırlada bilməyəcək qədər zəlil olacayıq… 
 


Ən çətin yıxılan büt, insanın öz nəfsidir...

#3 Usuli

Usuli

    Forum Əhli

  • Moderators
  • 1.265 ismarıc
  • Məzhəb:Hənəfi

Yerləşdirilmə tarixi: 22 iyun 2017 - 07:32

Hədislərdəki Qüsurları Örtmə

 

Hədis elmində ilkin mərhələləri qət edən hər ağıl sahibi, istər qoyulan üsullar, istər reallıqda cərəyan edən cərh və tədil müharibələri və hədislər haqqında verilən rəylərdə çox sayda problemin olduğunu müşahidə edər. Bu danılmaz bir faktdır!

Quranilərin Sünnəti kökdən rədd etmək üçün istifadə etdikləri ən böyük vasitə hədislərdir.

Müsəlmanların hədis sahəsindəki açıq xətaları görməməzlik edərək, özünü tənqiddən çəkinmələri, Quranilərin gücünə güc qatmaqdan başqa heç nəyə yaramır!

“Buxari göyə yer, yerə göy desə mən elə inanaram” deməklə Sünnəti qoruduğumuzu zənn ediriksə, ciddi mənada yanılırıq! Çünki, bu sözü heç bir ağıl sahibi qəbul etməz və növbəti dayanacağı Quranilik olar!

Yaxud, sırf Buxari rəvayət etdiyi üçün Allahın Qiyamət günü ayağını Cəhənnəmə salacağı inancını İslam Əqidəsi halına salır və bunu rədd edəni sapıqlıqla ittiham ediriksə, ağıl sahibinin növbəti dayanacağı Quranilik olar!

Cəhmiyyəni əsəbləşdirmək üçün, zəif olduğu halda Peyğəmbərin Ərşdə Allahla yanaşı oturacağını hədis olaraq rəvayət ediriksə, ağıl sahibinin növbəti dayanacağı Quranilik olar!

Təmsilən Müsəlmanın bir ov olduğunu düşünsək, Hədisçilərin bu işdəki rolu, ovu əsl tələyə yönləndirmək üçün, çığırıb bağıran ovçuların roludur.

Əgər insanları ayağını Cəhənnəmə salan bir ilaha dəvət edirsinizsə, Peyğəmbərin sidiyini içənə atəşin toxunmayacağı fikrinə dəvət edirsinizsə, onları ürküdüb qaçıraraq panika halında Quranilərin qucağına atan sizlərsiniz… İstər qəbul edin, istər etməyin… Bu belədir!
 


  • Qafqazi bu ismarıcı bəyəndi
Ən çətin yıxılan büt, insanın öz nəfsidir...




Bu mövzunu oxuyan istifadəçi sayı: 1

0 İstifadəçi, 1 Qonaq, 0 Anonim