Перейти к содержимому


Фотография

Alimlər EnsiklopediyasıTabaqat kitabları


  • Mövzuya cavab vermək üçün, avtorizasiyadan keçməlisiniz.
Bu mövzudakı ismarıc sayı: 2

#1 Zeynul Abidin

Zeynul Abidin

    Həvəskar

  • İstifadəçi
  • PipPipPip
  • 269 ismarıc
  • Məzhəb:Hənəfi

Yerləşdirilmə tarixi: 23 mart 2014 - 14:15

بسم الله الرحمن الرحيم

 

Ölkəmizdə İslami sahədəki problemlərdən biridə, bir çox müsəlmanın İslam alimləri dedikdə İbn Teymiyyə, İbn Qeyyim və bir neçə isimdən başqa demək olar ki, heç kimi tanımamalarıdır.

Nəticə olaraq hansısa məsələ müzakirə edildiyi zaman, sitat gətirilən alimlər tanınmadığı üçün, onların sözlərinədə müəyyən mənada şübhəylə yanaşılır, beləliklə elmi bir qısırlıq və çərçivə daraltma ortaya çıxır.

Bizlər Allahın iznilə bəzi kitabları oxucuya təqdim etməklə, bu sıxıntını ciddi mənada azaltmağı düşünürük.

Məzkur kitabları təqdim etmədən öncə ümumiyətlə bu sahə haqqında qısa məlumat vermək istəyirəm.

 

Qədimdən bəri İslam alimləri, tarixdəki böyük şəxsiyyətlər, alimlər haqqında məlumatları toplayıb tərtibləməyə xüsusi diqqət göstərmişlər.

Bu cür kitablara tabaqat və ya təracim kitabları deyilir. Mövzusuna görə dəyişən cürbəcür təracim kitabları mövcuddur.

Bəzi kitablar müəyyən məzhəbin fəqihləri haqda məlumatı toplayar və onları əlifba sırasına görə düzər: Məsələn: "Tabaqatul Hənəbilə" – Hənbəli alimlərinin tərcümeyi halları toplanmış bir kitabdır. "Əl Favaidul Bəhiyyə fi Təracimil Hənəfiyyə" – Hənəfi fəqihlərinin tərcümeyi halları toplanmış bir kitabdır.

Bəzi kitablar sadəcə hədis ravilərin tərcümeyi halları toplar, bəziləri nəhv alimlərinin, bəziləri müəyyən şəhər və ya ölkə fəqihlərinin, bəziləri sufilərin, bəziləri övliyaların, bəziləri səhabələrin...

Elm tələbəsi zamanla bu kitabları tanıdıqca, axtardığı isim haqqında harda məlumat tapa biləcəyini də öyrənmiş olar.

Bizlər - Allahın izni və yardımı ilə - bu mövzuda Azərbaycanlı oxucunun faydalana biləcəyi müəyyən təracim kitabları təqdim edəcəyik.
 



#2 Zeynul Abidin

Zeynul Abidin

    Həvəskar

  • İstifadəçi
  • PipPipPip
  • 269 ismarıc
  • Məzhəb:Hənəfi

Yerləşdirilmə tarixi: 23 mart 2014 - 14:18

Təqdim etmək istədiyim ilk kitab Türkiyədə təxminən 20 il öncə nəşr edilmiş 18 cilddən ibarət "İslam Alimleri Ansiklopedisi" adlı kitabdır.

Kitab demək olar ki, məşhur olan bütün alimlər haqqında məlumat verir. Alimlər haqqında verdiyi məlumatlar əsasən onların yaşadığı tarix, şəhər, dərs aldıqları digər alimlər, yetişdirdikləri alimlər, yazdıqları əsərləri əhatə edir. Hətta bir çox alimin tərcümeyi halında yazdıqları əsərlərdən müəyyən parçalar da var. Əlifba sırasına görə tərtiblənmişdir. Məlumatlar əsasən mötəbər qaynaqlardan alınmışdır.

Kitab Türkiyədə satışda mövcuddur. Buna imkanı olanlar kitabı mətbu şəkildə də əldə edə bilərlər.

 

Texniki xüsusiyyətləri:

Format: PDF

Fihrist: Mövcuddur

Həcm: 45 mb

Cild: 18

Dil: Türk

 

Endirmə Linki



#3 Zeynul Abidin

Zeynul Abidin

    Həvəskar

  • İstifadəçi
  • PipPipPip
  • 269 ismarıc
  • Məzhəb:Hənəfi

Yerləşdirilmə tarixi: 23 mart 2014 - 14:23

Türk dilində bu mövzuda qələmə alınmış ən dəyərli kitablardan biri Ahmet Özelin “Hənəfi Fiqh Alimləri” adlı əsərdir. Kitabda 308 Hənəfi aliminin həyatı, əsrlər üzrə bölünərək verilmiş, digər məzhəb alimlərinin tərcümeyi halıyla kitab daha da zənginləşdirilmişdir.

Kitabı satın almaq üçün link.






Bu mövzunu oxuyan istifadəçi sayı: 0

0 İstifadəçi, 0 Qonaq, 0 Anonim