Перейти к содержимому


Фотография

Yanaq və Çənə Altının Qırxılması


  • Mövzuya cavab vermək üçün, avtorizasiyadan keçməlisiniz.
Mövzuda Bir İsmarıc Var

#1 Hənif

Hənif
  • İstifadəçi
  • 9 ismarıc
  • Məzhəb:Hənəfi

Yerləşdirilmə tarixi: 09 mart 2015 - 17:45

Assalamu aleykum, Hörmətli elm tələbələri!

Forumda “Saqqalın Hökümləri” bölümündə saqqal barədə bir çox bilgilər vermisiniz.

Mənim sualım saqqalın yanaq hissəsindəki və çənə altından aşağı doğru uzanan artıq tükləri taraş etməyin qəbahətinin olub-olmamağı barədədir? Böyük elm adamlarının da bu cür etdiyinə hər zaman şahid olmuşam. Lakin bəziləri “bunu yalnız şiələr edir, nə hədislərdə nə də sahabə tətbiqatında belə şeylər olmadığı üçün heç bir əsası da yoxdur” deyirlər. Bu barədə fikir bildirməyinizi xahiş edirəm. Əvvəlcədən təşəkkür edirəm. 



#2 Muslih

Muslih

    Mütəxəssis

  • Moderators
  • 886 ismarıc
  • Məzhəb:Hənəfi

Yerləşdirilmə tarixi: 20 mart 2015 - 18:44

Va Aleykumussalam. Bir birimizi doğru anlamaq üçün biraz daha detala enib, bəzi məqamları dəqiqləşdirməliyik.

Normal bir insanın saqqalının sərhəddi tüklərin sıxlığının anidən azaldığı yerdə bitir. Dolayısıyla yanaqdakı və ya hulqumdan aşağıdakı tək tük tüklər saqqaldan sayılmaz. Saqqaldan sayılmayan bir şeyin qırxılmasında isə bir problem yoxdur.

Ancaq istər yanaq tərəfdən, istər ulqumun üstündən yuxarıya doğru, yəni çənənin altındakı hissədən saqqalın içinə girərək bəzi yerlərini qırxmaq olmaz. Çünki bu qisimlər saqqaldır.

Adətən Şiələrdən və bəzi Sünnilərdən olan riyakar siyasətçilərin, "din xadimlərinin" etdiyi də məhz budur. Onlar yanaqdan aşağıda və çənənin alt qismindəki tükləridə qırxaraq özlərinə yeni bir imaj formalaşdırmışlar. Bu rəsimdəki kimi:

8950.jpg

Onlar kimi saqqal buraxmaq iki yöndən problemlidir. Öncəliklə bu qisməndə olsa saqqalı qırxmaqdır. Həmçinin sizi tanımayan kimsələr onlardan olduğunuzu düşünə bilər. Hər müsəlman əlindən gəldiyi qədər riyakarların şüarlarından uzaq durmağa çalışmalıdır. İstər bu şüarlar saqqalla əlaqəli olsun, istərsədə Cihad əhlinin saç uzadıb, kambat şalvar geymələri kimi geyim və saçla əlaqəli olsun.

Onlarla mübarizə etməklə əmr olunmuşkən, onlara bənzəməyək.

 

Yanaq və ulqum tükləri haqqında Hənəfilərin fətva toplularından olan "Əl Fətəvəl Hindiyyə"də deyilir:

 

ولا يَحلِق شعْرَ حلْقه , وعن أبي يوسفٍ رحمه الله تعالى لا بأس بذلك , ولا بأس بأخذ الحاجبيْنِ وشعْرِ وجهِهِ ما لم يتشبَّه بالمخنَّث, كذا في الينابيع

 

"Ulqumun tükləri qırxılmaz. Əbu Yusufdan - rahimahullahu təala - bu işdə bir bəis olmadığı rəvayəti var.

Qaşların (uçuşan tüklərini) və yanağın tüklərini almaqda bir bəis yoxdur. Lakin bu, qadınlaşmış kişilərə bənzəmədiyi zaman belədir. “Əl Yənəbi”də belədir."

 

Qaynaq: Nizamuddin Əl Bəlxi: Əl Fətava Əl Hindiyyə: 5/438

Beyrut: Darul Kutubil İlmiyyə: 1421/2000

 

Fisq əhlinin şüarlarında onlara bənzəməyə gəlincə Muslim şarihlərindən Əbul Abbas Əl Qurtubi (578-656 h/1182-1258 m) "Əl Mufhim" adlı şərhində Rəsulullahın – sallallahu aleyhi və səlləm – qırmızı paltar geyməsi haqda hədisi açıqlarkən belə deyir:

 

وفيه دليلٌ على جوازِ لِباسِ الأحمرِ ، وقد أخْطأ مَن كرِه لباسَه مطلقًا ، غيرَ أنه قد يختصُّ بلباسِه في بعضِ الأوْقاتِ أهلُ الفسقِ والدَّعارةِ والمُجُونِ ، فحينئذٍ يُكره لباسُه ؛ لأنَّه إذ ذاك تشبُّهٌ بهم ، وقد قال ـ صلى الله عليه وسلم ـ :

مَنْ تَشَبَّهَ بِقَوْمٍ فَهُوَ مِنْهُمْ ، لكن ليس هذا مخصوصًا بالحُمْرة ، بل هو جارٍ في كلِّ الألْوانِ والأحْوالِ ، حتى لو اختصَّ أهلُ الظلْمِ والفسْقِ بشيءٍ مما أصلُه سُنَّة كالخاتَمِ والخِضابِ والفرْقِ لكان ينبغي لأهلِ الدينِ ألا يتشبَّهوا بهم ؛ مخافةَ الوقوعِ فيما كرِهه الشرعُ مِن التشبُّهِ بأهلِ الفسْقِ ، ولأنه قد يَظنُّ به مَن لا يعرِفه أنه منْهم ، فيعتقِدُ ذلك فيه ، وينسِبه إليهم ، فيُظَنُّ به ظنَّ السوءِ ، فيأثَم الظانُّ بذلك والمظنونُ بسببِ المَعُونة عليه

 

"... Sözügedən hədisdə qırmızı paltarın cəvazına dair dəlil vardır. Qırmızı paltar geyməyi mütləq olaraq məkruh görən xəta etmişdir.

Lakin bəzi vaxtlarda qırmızı paltar geymək fisq, əxlaqsızlıq və arsızlıq əhlinin xüsusiyyəti olur. O zaman qırmızı paltar geymək xoş görülməz. Çünki, bu halda qırmızı geyinmək onlara bənzəməkdir.

Allah Rəsulu – sallallahu aleyhi və səlləm – buyurmuşdur:

"Kim bir qövmə bənzəyərsə o da onlardandır"

Lakin bu hökm qırmızıya xas deyil. Əksinə bu bütün rənglər və hallar üçün keçərlidir. Hətta zülm və fisq əhli, üzük taxmaq, (saqqalı) boyamaq və saçları ortadan ikiyə ayırmaq kimi əsli sünnət olan bir şeylə seçilsələr dindar kimsələrin bunda belə onlara bənzəməməsi lazımdır. Bunu, Şəriətin "fisq əhlinə bənzəmək" cinsindən xoş görmədiyi bir əməli işləmək qorxusuyla edər.

Çünki, bəzən onu tanımayan kimsə, zənn edər ki o da onlardandır. Onda (yüngüllük) olduğunu düşünər və onu fasiq kimsələrə nisbət edər. Beləcə haqqında pis zən formalaşar. Nəticədə isə, bu səbəblə həm zən edən, həm də buna şərait yaratdığı üçün haqqında zənn edilən günahkar olar."

 

Qaynaq: Əbul Abbas Əl Qurtubi: Əl Mufhim: 6/127-129

Daru İbni Kəsir: 1417/1996
 


  • Hənif və Xətib Təbrizi bu ismarıcı bəyəndilər

Hədis: "İnsanlar dəvələr kimidir. Yüz nəfərdən işə yarayan bir nəfər belə tapa bilməzsən" (Səhih Muslim)





Bu mövzunu oxuyan istifadəçi sayı: 2

0 İstifadəçi, 2 Qonaq, 0 Anonim