Перейти к содержимому


Фотография

Əhli Yal Məzhəbi"Növbətçi Satqınlıq" Peşəsi


  • Mövzuya cavab vermək üçün, avtorizasiyadan keçməlisiniz.
Bu mövzudakı ismarıc sayı: 2

#1 Usuli

Usuli

    Forum Əhli

  • Moderators
  • 1.265 ismarıc
  • Məzhəb:Hənəfi

Yerləşdirilmə tarixi: 23 yanvar 2018 - 01:01

بسم الله الرحمن الرحيم

 

Əgər Dünya tarixində qazanc gətirən bütün işləri toplayıb, statistik bir analiz aparsaydıq sizcə ən gəlirli sektor hansı olardı? Qadın ticarəti? Narkotik? Silah? Məncə heç biri… Qənaətimcə ən gəlirli sektor Din sektorudur. İnsanların ümidlərini, etibarlarını alıb satmaq… Məsələn narko ticarətin ən qızğın olduğu Cənubi Amerika ölkələrindəki hansı kartelin gəliri Vatikanın gəliriylə müqayisə edilə bilər?

İnsanlıq tarixi qədər qədim olan bu problemə Qurani Kərimin bir çox yerində toxunulub və bir növ bizlərə bu sektor haqqında xəbərdarlıq edilib. Məsələn, uca Allah bizdən öncəki ümmətlər, Yəhudi və Xristianlar haqda buyurur:

 

يَا أَيُّهَا الَّذِينَ آمَنُوا إِنَّ كَثِيرًا مِنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ وَيَصُدُّونَ عَنْ سَبِيلِ اللَّهِ

 

“Ey iman edənlər! Əhbar və Ruhbanların bir çoxu insanların mallarını batil yollarla yeyər və Allah yolundan döndərərlər...” (Ət Tövbə: 9/34)

 

Müfəssirlər “Əhbar” kəliməsilə Yəhudi dini liderlərin, “Ruhban” kəliməsilə Xristian dini liderlərin qəsd edildiyini demişlər.

Uca Allah ayəni möminlərə müraciətlə başlayır. Lakin, Yəhudi və Xristian dini liderlərinin maddi günahından bəhs edir? İlk baxışda qəribə deyilmi? Məgər bizlər, bu günahı etmiş dini liderləri qəbirdən çıxarıb cəzalandıracaq, yaxud mənimsədikləri malları alıb məzlumlara qaytaracayıq? Əlbətdəki xeyr!

Elə isə, bu “tarixi ayənin” hikməti nədir? “Onlar gəlib keçmiş bir ümmətdi” məntiqiylə yaşayan manqurdlar üçün, oxunub hər hərfinə savab qazanılacaq hekayədən başqa bir şey deyil.

Ağıl sahiblərinə gəlincə, onlar üçün bir ibrətdir! Ey Müsəlmanlar! Sizdən öncəki ümmətlərin din adamları, dinlərini bir mənfəət qaynağı olaraq istifadə etdilər. Siz də eyni cinsdən, yəni insansınız. Elə isə, onların etdiyi günahlar qaçınılmaz olaraq sizin dini liderlərdə də ortaya çıxacaq. Bu yaşananlardan ibrət alın və özünüzü, digər müsəlmanları bu cür yeyinti qurbanına çevirməyin! Uca Allah mallarınızı səfehlərə verməyi xüsusi bir ayəylə qadağan etmişkən, onları bu iman quldurlarına verməyin!

 

Reallıqda bizim Ümmətdə bu bəla təzahür edirmi? Bəli! Bəlkə də artıqlamasıyla. Bunu görmək üçün, sadəcə başımızı qumdan çıxarıb ətrafa baxmamız yetərlidir. Ətrafda nələr görəcəyik?

Bir birinə padxod edib, “qanuni oğru” adı verərcəsinə, “elm tələbəsi” adı paylayan, tələbələrin mənhəci haqqında “praqonlar” göndərib, onları raskoranavat edən, inək qoyun müharibələri lotuların bazar savaşı kimi Youtubda yayınlanan din xadimləri… Sizcə bu savaşlar nəyin üstündədir? Savaş doğrudan da mənhəc savaşıdırmı?

Digər tərəfə baxırıq… Xristian din adamları “Cənnət bileti” satardı, bizim din adamları yanmayan kəfən, Peyğəmbəri yuxuda göstərən tərlik, bəlalardan qoruyan dualı jurnallar satır…

Başımızı çevirsək, pul yemək məqsədi güdərək heç kimə lazım olmayan Quran kursları təşkil edən, İslami mədrəsə qurub tələbələrə yardım üçün gələn pulları yeyən və yollarına çıxan digər sufilərin Quran kursunu içərisində uşaqlar varkən odlayan “sufiləri” görürük…

 

Bu, “Yal Əhli” sinfinə mənsub din xadimləri etdikləri xəyanət, yeyinti dərinliyi və növlərinə görə müxtəlifdirlər. Bəziləri önlərinə atılan yal səbəbilə batili müdafiə edərkən, digərləri sadəcə batil qarşısında susmağa razılaşar. Bəziləri gördüyü münkərə məruf donu geydirməyə çalışarkən, digərləri sadəcə münkərə mane olmaz, yala qarşılıq passiv modda işinə davam edər.

Muaviyənin cinayətləri haqqında kitab yazmaqdan dəm vurub, sonra Muaviyəni tənqid etməklə əynindəki çırıq şalvardan qurtula bilməyəcəyini, başqa sözlə bu yolda çörək olmadığını anlayıb, önünə atılan yala quyruq sallayaraq, müvəqqəti kişilik genlərinin təsirindən qurtulan, papağını çıxarıb şal taxaraq “tövbə” yoluyla Muaviyə dostu olan, Avropada kabab məclislərindən kənarda qalmamaq üçün “Allahın qaçma sifəti var” deyənləri müdafiə edən “Əşariciklər” və neçə neçə şərəfsizlər bu “Əhli Yal” məzhəbin davamçılarıdır...

 

Mövzu genişdir… Lakin, təhlükənin böyüklüyü səbəbilə bu mövzuya qısa da olsa diqqət çəkərək, salih insanları bunların maddi və mənəvi hiylələrindən qorumağı özümüzə borc bilirik.

Çünki, heyz bezi qədər dəyəri olmayan bu sinif mənsubları insanların sadəcə malını oğurlamır. Bundan daha betəri, insanların sapıq görüşləri mənimsəməsinə səbəb olurlar. İnsanlar onların təbliğ etdikləri və ya tövbə edərək qayıtdıqları görüşlərə baxır və bu görüşlərə nəyisə təhqiq edərək vardıqlarını düşünür və o görüşü qəbul edirlər. Arxa plandakı umaclı yalın qoxusunu almaq üçün biraz analiz qabiliyyəti və diqqəti bu nöqtəyə çəkəcək birilərinə ehtiyac var. Mövzunu açmaqda əsas məqsədimiz də məhz budur.

Bununla yanaşı, məsələylə əlaqəli bəzi alimlərdən nəqllər qeyd edərək mövzunu biraz da lətif hala gətirməyə çalışacayıq. Tövfiq yalnız Allahdandır.
 


Ən çətin yıxılan büt, insanın öz nəfsidir...

#2 Usuli

Usuli

    Forum Əhli

  • Moderators
  • 1.265 ismarıc
  • Məzhəb:Hənəfi

Yerləşdirilmə tarixi: 23 yanvar 2018 - 01:21

Öz zamanında bu problemə toxunanlardan biri də İbnul Cəvzi və müəllimi İbn Aqildir. O, vəzir Əbu Şucanın tərcümeyi halında İbn Aqildən (431-513 h/1040-1119 m) belə dediyini nəql edir:

 

قال ابن عقيل : وقد رأيتُ أكثرَ أعمالِ الناسِ لا يقَع إلا للناس إلا مَن عصَم اللهَ مِن ذاك ، إني رأيتُ في زمنِ أبي يوسفَ كثُر أهلُ القرآنِ والمنكِرون لإكرامِ أصحابِ عبدِ الصمد ، وكثُر متفقّهةُ الحنابلة ، ومات فاختَلَّ ذلك ، فاتفق ابنُ جَهِيرٍ ، فرأيتُ مَن كان يتقرَّب إلى الشيخِ بالصلاحِ يتقرَّب إلى ابنِ جَهِيرٍ برفْعِ أخبار العاملين ، ثم جاءَتِ الدولةُ النّظَام ، فعظُم الأشْعَريةُ ، فرأيْتُ مَن كان يتسخَّط علي بنفْي التشبيهِ غلوًّا في مذهبِ أحمدَ ، وكان يُظهِرُ بُغْضِي يعُود علي بالغَضّ على الحنابلة ، وصار كلامُه ككلامِ رافضي وصَلَ إلى مشهَد الحسَين فأَمِنَ وباحَ ، ورأيتُ كثيرًا مِن أصْحابِ المذاهِب انتَقَلوا ونافَقوا ، وتوَثَّق بمذهبِ الأشْعري والشافعي طَمْعاً في العزّ والجِرايات

 

“İbn Aqil belə dedi: İnsanların əməllərinin əksəriyyətinin (Allah üçün yox) insanlar üçün olduğunu gördüm. Uca Allahın bundan qoruduğu kimsələr müstəsna.

(Abbasi xəlifəsinin vəziri) Əbu Yusufun zamanında Quran əhlinin, Abdus Samədin yaxınlarının ikramını rədd edənlərin və Hənbəli tələbələrin çoxaldığını gördüm. O vəfat edincə bu proses durdu.

Hakimiyyətə (vəzir olaraq) İbn Cəhir gəldi. Şeyxə salihlik göstərərək yaxınlaşan kimsələrin, bu səfər İbn Cəhirə məmurlar haqda xəbər çatdırmaqla yaxınlaşdığını gördüm.

Sonra (məşhur vəzir) Nizamın dövləti gəldi və Əşarilər yüksəldi. Bu zaman, təşbihi nəfy etdiyim üçün Əhmədin məzhəbindəki qatılıqları səbəbilə mənə qəzəblənən və nifrətini açıq şəkildə bildirənlərin, Hənbəliləri dəyərsizləşdirdiyini gördüm. Bunların halı Hüseynin məşhədinə çatan və əmin olub, özünü açığa vuran bir rafizinin halı kimidir.

(Müxtəlif) məzhəblərə mənsub kimsələrdən bir çoxunun izzət və cari vəzifə həvəsilə başqa məzhəbə keçdiyini, iki üzlülük edərək (etiqadda) Əşari və (fiqhdə) Şafi məzhəbinə sarıldıqlarını gördüm.”

 

Qaynaq: İbnul Cəvzi: Əl Muntəzam fi Tarixil Muluki vəl Uməm: 9/93

Hindistan: Mətbəatu Dairətil Məarifil Usmaniyyə: 1357

 

 

Qeyd: Sanki günümüzdən bəhs edilir... Bu sətirləri oxuduqca “Əhli Yaldan” birinin mənə gizlincə Hənbəlilər haqqında məlumatlar ötürməsi yadıma düşür. Çox qısa müddət sonra, “gəlin getdiyi” camaatın istəyilə Hənbəlilər haqqında yazmağın ümməti parçalamaq olduğu mesajlarını görüncə çox da təəccüblənmədim. Ardından gələcəkləri təxmin etmişdim və etdiyim kimi də “növbətçi tövbəkarlıq” teatrı başladı. Hətta “növbətçi tövbəkarımız” dünən “Əbu Qarğa” deyərək ələ saldığı adamın Əbu Zərka olduğunu xatırladı və qucağında oturmanın fəzilətini öz manqurdlarına foto faktla izah etmə gərəyi duydu... 
 


Ən çətin yıxılan büt, insanın öz nəfsidir...

#3 Usuli

Usuli

    Forum Əhli

  • Moderators
  • 1.265 ismarıc
  • Məzhəb:Hənəfi

Yerləşdirilmə tarixi: 23 yanvar 2018 - 01:30

Fəxruddin Ər Razi (544-606 h/1150-1210 m) yuxarıda toxunduğumuz ayənin təfsirində problemin onun zamanında da davam etdiyini bildirir:

 

من تأمَّلَ أحوالَ أهل ِالنامُوس والتزويرِ في زمانِنا وجَد هذه الآياتِ كأنها ما أنْزِلتْ إلا في شأنِهم وفي شرْحِ أحوالِهم ، فترَى الواحدَ مِنهم يدَّعِي أنه لا يلتفِت إلى الدنيا ولا يتعلَّق خاطرُه بجميعِ المخلوقاتِ وأنه في الطهارةِ والعِصْمة مثلُ الملائكةِ المقربّينَ حتى إذا آلَ الأمرُ إلى الرَّغِيفِ الواحدِ تراه يتهالَكُ عليه ويتحمَّل نهايَةَ الذُّلّ والدَّناءةِ في تحصيلِه

 

“Kim zamanımızdakı hiylə və fırıldaq əhlinin halı üzərində düşünərsə, bu ayələrin sanki məhz onlar haqqında və hallarının açıqlaması üçün endiyini görər.

Onlardan birini Dünyadan üz çevirmə, (Allahla məşğul olduğu üçün) məxluqatdan heç bir şeyin ağlından keçməməsi, təmizlik və ismətdə yaxınlaşdırılmış mələklər kimi olduqlarını iddia edərkən görərsən.

Lakin, ortada bircə çörək olsa, onu əldə etmək üçün çırpındığını, ən zəlil və ən alçaq hallara düşdüyünü görərsən.”

 

Qaynaq: Fəxruddin Ər Razi: Məfatihul Ğeyb: 16/34

Beyrut: Daru İhyəit Turasil Arabi: 1420

 

 

Qeyd: Bir elm adamı üçün ən zəlil hal, kimdənsə maddi ehtiyacını tələb etmək deyil. Elm adamlarının maddi təminatı Ümmət üzərinə onsuz da vacibdir. Zillət - aldığı mallara qarşılıq olaraq, “sifarişçinin” istədiyi havanı çalmaq, batilə haq, haqqa batil donu geydirməkdir! Üstün sinifdən olanlara arxa çevirib, gədə sinfinə alqış tutmaqdır. Uca Allah bizləri bu və digər zillətlərdən qorusun! 


Ən çətin yıxılan büt, insanın öz nəfsidir...




Bu mövzunu oxuyan istifadəçi sayı: 2

0 İstifadəçi, 2 Qonaq, 0 Anonim