No replies to this topic

[Muslih]

بسم الله الرحمن الرحيم

 

Haqqında söz açmaq istədiyim problemlə yəqin ki bir çoxunuz qarşılaşmısınız. Bayram namazı ildə iki dəfə qılındığı üçün yerinə yetirilmə şəkli unudulur. Nəticədə namaz əsasında camaat içərisində çox xəta edənlər olur.

Mütəmadi təkrarlanan bu problemin çözümü üçün məsçid imamları namaz öncəsi qılınış şəkli haqqında məlumat verirlər. Lakin, bu məlumatlandırma şəkli öyrətmə yox, “öyrətməmək üçün əldən gələni etmə” hədəfli olduğu üçün insanlar düzgün namaz qılma şəklini anlaya bilmirlər.

Çünki, istifadə etdikləri kəskin ətirlərlə bərabər durğunluğun simvolu halına gəlmiş imamlarımız bayram namazını izah edərkən sanki yeni bir namazmış kimi başdan detallı bir şəkildə izah edirlər. Bir anda yeni namaz öyrənirmişcəsinə çoxsaylı bilgiylə qarşılaşan dinləyici anlama və yadda saxlama problemi yaşayır. Hətta bu baş ayaq izahlar səbəbilə imamlar belə bayram namazında xətaya yol verirlər.

Halbuki bu anlatımı təməldə asanlaşdırmaq mümkündür. İnsanlara bayram namazını yeni namazmış kimi başdan sona deyil, sadəcə fərqlənən qismini anlatmaq məsələni açıqlığa qovuşdurar.

 

Məsələn Hənəfi məzhəbi üzrə bayram namazı qılınışı belə izah edilməlidir: Bayram namazı sübh namazının fərzi kimi qılınır. Lakin bəzi əlavələr vardır ki, bunlar sadəcə təkbirlərdən ibarətdir. Hər iki rükətə də əlavə edilən təkbirlərin yeri bu şəkildədir.

 

Birinci rükətdə “subhənəkə” duasıyla istiazə arasına bir neçə saniyə arayla ediləcək üç təkbir yerləşdirilir.

İkinci rükətdə eyni tərtibli üç təkbir, qiraətin bitişiylə rukuya getmək arasında olur. Bunun həmən ardından rukuya getmək üçün dördüncü təkbir alınır. Əlavə edilən bütün təkbirlərdə əllər qaldırılır. Sadəcə ilk rükətə əlavə edilən üçüncü təkbirin ardından əllər bağlanır. Digər əlavə təkbirlərdə əllər açıq olur.